Që nga shekulli XVI me Kolegjën e Shën Llukës (1584), Stublla u bë një vatër e hershme e dijes dhe e shkrim-leximit shqip. Kjo traditë u ringrit fuqishëm në shekullin XIX me hapjen e shkollës së Dom Mikel Tarabulluzit – mësuesit të parë të fshatit dhe mbrojtësit të gjuhës shqipe. Ky muze ruan dorëshkrime të rralla, libra historikë dhe objekte origjinale që dëshmojnë rrugëtimin e arsimit shqip në këtë vend unik.

E themeluar në vitin 1584 nga Kongregata Propaganda Fide, Kolegja e Shën Llukës konsiderohet si një nga institucionet më të hershme edukative në gjuhën shqipe. Kjo kolonjë misionarësh dhe dijetarësh përgatiti breza klerikësh shqiptarë, përktheu tekste fetare në shqip dhe vendosi themelet e shkrim-leximit në trojet tona. Disa nga dorëshkrimet dhe botimet e kësaj periudhe ruhen sot në muze.

Në fund të shekullit XIX, Dom Mikel Tarabulluzi u bë mësuesi i parë i Stubllës dhe një figurë kyçe e ruajtjes së gjuhës shqipe gjatë kohëve të vështira. Ai hapi shkollën shqipe në fshat, mësoi breza të tërë dhe lidhi traditën e lashtë të Kolegjës së Shën Llukës me rilindjen moderne shqiptare. Shumë prej materialeve origjinale të përdorura në këtë shkollë gjenden sot në muze.